繼續...勁玩勁食星之旅

上篇講完星加坡的"雞"同"蟹",差點忘記還有一間"必試食肆" - 莆田興化菜. 此店裝修清明雅緻,坐得舒服之餘,服務生態度更是溫文有禮,佳餚滿桌,在此謝謝星加坡六姨一家的熱情款待,這餐令我們吃得相當愜意:

<<蒜蓉螄蚶: 略嫌蒜蓉味道太強烈,蓋過螄蚶的獨有鮮味,但仍不失為一好味菜式,食吓一粒,食吓又一粒,話咁快就食哂成碟要encore!>>

 <<很入味的九轉大腸,是這間莆田的招牌菜之一.

切成花形的冰鎮涼瓜,入口甘涼,吃後精神為之一振!>>

<<這碟咕嚕肉,可為咕嚕肉中的極品,外脆內軟,亦是KissKidsFamily必吃菜式之一.>> 

<<其餘麵線等菜式均相當不俗,莆田興化菜,值得推介!>>

 

大人飲飽食醉,小朋友則要玩個夠本,講完"食",終於輪到講"玩"嘞. 之前介紹星加坡的新景點 - Gardens by the bay,只係遊山玩水欣賞花草樹木,真正令小朋友玩得樂而忘返的,相信應是已有40年歷史的Singapore zoo星加坡動物園:

 

<<餵長頸鹿>>

<<睇elephant show>>

<<玩彈跳飛人>>

 <<Pony ride>>

 

還有玩得好盡情的兒童水世界: 

 

 

 

 

結果,是次在動物園睇的動物不算多,只睇了長頸鹿,獅子,大象,企鵝,猩猩和猴子等,但玩卻玩得好開心!

 

除了Singapore zoo,Sentosa聖淘沙都好啱一家大細親子遊,因為有...

 <<Universal Studios環球影城>>

 

<<又順道介紹一下今次"勁玩勁食星之旅"的團員:除了KKF一家,還有孖寶的公公,婆婆,姨媽媽和大細表姐,今次個行程,真係老老嫩嫩都啱玩:-D>> 

<<細佬終於冇掛住望對佢嚟講係兩隻綠色怪物嘅史力加同費安娜公主喇,yeah!>>

 

預啱巡遊時間到芝麻街的LOUI'S SIGNATURE PIZZA,除咗可以一邊食巨型pizza,仲可以一邊安安樂樂咁睇巡遊,唔使同人迫:

 

<<巨型Pizza@LOUI'S SIGNATURE PIZZA>>

 

 

 這條芝麻街,唔好話小朋友,連大人都會鍾意整條街咁色彩繽紛: 

 

在環球影城,大人必玩嘅attractions有: Mummy(極速室內過山車), Jurassic Park(全身濕透的激流)及Transformer(配戴3D眼鏡在搖晃不定的車廂內與博派並肩作戰,變形金剛亦係是日最受"勁玩勁食星之旅"團友歡迎嘅遊戲!)

 

至於小朋友都有好多啱玩嘅rides:

<<Spaghetti Space Chase@Seasame Street>>

 

<<類似香港迪士尼的小飛象,不過這裡飛的是飛翼龍>>

 

<<類似香港迪士尼的小小小世界,坐船跟慌失失奇兵探險去>>

 

<<這個雙腳吊吊fing,在半空兜圈的Canopy Flyer,我自己都有啲驚離心力同懸在半空嘅感覺,反而家姐人仔細細冇有怕,玩完大呼刺激好玩!>>

 

 <<這個小兒科探險車,最啱細佬這種2歲多少少嘅人仔玩>>

 

玩完Universal Studios,第二日玩些較靜態的 - 遊覽Aquarium. 這個號稱全亞洲最大的水族館,其實和海洋公園那個大同小異(應該說世界各地的水族館對我來說都是差不多!),都是有摸摸海星,海蔘等小玩意:

 

 

雖然話個個水族館差不多,但久不久參觀一下,還是會讚嘆水底世界的美妙:

 

 

 

不過,聖淘沙水族館有一個"暴風劇場"是其他水族館沒有的,它讓我們置身於一個360度的影院內,模仿古代人出海時遇到風暴的情景,雖不是超級大製作,但也挺特別的.

 

"勁玩勁食星之旅"講住咁多先,下篇開始希望可以同大家分享多些關於KissKidsFamily親子方面的東西,請多謝支持!

{www.facebook.com/Kisskidsfamily}